Rapat Paripurna Utama Minangkala Bogor Ke 532
BERITA BOGOR - DPRD Kabupaten Bogor Miharep Milangkala Bogor Tiasa Ronjatkeun Persatuan dan Kesatuan serta Kerja Nyata.
Dewan
Perwakilan Rakyat Daerah (DPRD) Kabupaten Bogor, ngagelar Sidang
Paripurna Minangkala Bogor ka 532 tahun 2014, di Rohangan Gedong Tegar
Beriman, Cibinong, Salasa (3/6/2014).
Ketua
DPRD Kabupaten Bogor, Hanafi, dina sidang ngucapkeun, kalawan sumanget
milangkala Bogor ka-532 taun 2014, urang ronjatkeun persatuan jeung
kesatuan pikeun ngawujudkeun Kabupaten Bogor jadi Kabupaten pangpunjulna
di Indonesia.
“Sim
kuring ngahaturkeun rewu nuhun laksaketi kabingahan ka sadaya warga
Kabupaten Bogor, para inohong, sareng ka sakumna masyarakat ti mana wae,
utamina anu parantos ngarojong kana pangwangunan di Kabupaten Bogor.
Mung peryogi diemutan, wireh pangwangunan di kabupaten Bogor teh teu
acan gembleng kahontal, margi ayana halangan sareng harungan. Nu hal
eta, ieu teh mangrupi pancen kanggo urang sadaya, anu baris
ditanggelwalerkeun boh lahirna boh batinna”, saur Hanafi.
Hanafi
nambihkeun, mieling milangkala Bogor, ngandung hartos ayana surti ati
anu mandiri mibanda rasa syukur tina mangpirang-pirang kanimatan anu tos
dipaparinkeun ku Allah anu maha kawasa. Pamarentah sareng masyarakat
Kabupaten Bogor tos tiasa metik naon anu tos dipidamel kalayan walatra,
sok sanaos seueur keneh anu peryogi dibebenah sareng disampurnakeun.
“Dina
mangsa anu bakal datang, mudah-mudahan naon rupi tarekah anu mangrupa
wujud kagiatan, salawasna kengeng rido ti Allah SWT. Hayo urang sadaya
silih asah silih asih silih asuh pikeun ngawujudkeun Kabupaten Bogor
jadi Kabupaten pangpunjulna di Indonesia”, saur Ketua DPRD.
Salajengna,
Ibu Wakil Bupati Bogor Nurhayanti nambihan, sim kuring ngahaturkeun
sewu nuhun laksa keti kabingahan ka sakumna rengrengan pupuhu katut
anggota DPRD Kabupaten Bogor anu parantos ngupayakeun acara kasundaan
dina sawala langkep istimewa DPRD dina danget ieu.
“Mugi
nambihna yuswa Kabupaten Bogor tiasa janten barokah sareng titimangsa
kasajarahan anu ngahudang sumanget dina ngaronjatkeun pangwangunan
pikeun ngawujudkeun Kabupaten Bogor janten Kabupaten pangpunjulna di
Indonesia, kukung pengkuh, angger panger, pageuh akar budayana, hasil
warisan kabinekasan ti karuhun, anu sakuduna jadi pamatri di kahirupan
kiwari”, saur Wabup.
Nyondong
dina acara sidang paripuna, Bakorpembang wilayah Bogor, Wakil Pupuhu
miwah anggota DPRD Kabupaten Bogor, para inohong pimpinan daerah
Kabupaten Bogor, Sekretaris Daerah Kabupaten Bogor miwah para pimpinan
sareng rengrengananana sa-Kabupaten Bogor, para sesepuh Kabupaten Bogor,
para inohong, para pupuhu organisasi politik, pupuhu ormas. (Rilis Diskominfo Kabupaten Bogor)
.
.
SELAMAT HARI JADI BOGOR Ke- 532
3/6/2014
